Առաջնորդվելով շարունակական կատարելագործման սկզբունքով՝ «ՍՊՍ Սիգարոն» ընկերությունը կարողացել է բարելավել իր սիգարետների տեսականին՝ մշակելով և ստեղծելով յուրահատուկ կոմբինացված եռաշերտ ֆիլտր-ծխափող՝ պեռլիտի հիմքով:

Պեռլիտը էկոլոգիապես մաքուր հանքանյութ է, որը ստացվում է հրաբխային ապակուց և հայտնի է որպես սննդամթերքի, խմիչքների և դեղագործական արտադրանքի արդյունավետ զտիչ:

Համեմատության համար նշենք, որ մինչ օրս հայտնի ծխախոտի բոլոր ֆիլտրերը ծուխը մաքրում են միայն վնասակար նյութերի մասնակի չեզոքացմամբ, իսկ խեժի և նիկոտինի պարունակությունը նվազեցվում է եզրաթղթի պերֆորացիայով, որի միջոցով ավելանում է ծխի հետ խառնված օդի քանակությունը: Նման նվազումը չափազանց ռիսկային է և փոփոխական, քանի որ, երբ շրթունքները կամ մատները պատահաբար փակում են պերֆորացիայի հատվածը, խեժի և նիկոտինի պարունակությունը կտրուկ աճում է, ինչը բացառվում է եռաշերտ պեռլիտ-ֆիլտր օգտագործելիս:

«Սիգարոն» սիգարետների անկրկնելի տեսքը հիանալի կերպով համադրում է էսթետիկ, պաշտպանիչ և հիգիենիկ ֆունկցիաների եռամիասնությունը:

Դիզայնի գրավիչ մասն է առասպելական գրիֆոնի կերպարը, որը դոմինանտություն և հմայք է հաղորդում սիգարետների տուփերի արտաքին տեսքին։

Դաջվածքով արտադրված ծխախոտի թուղթը նույնպես զարդարված է գրիֆոնի պատկերով, ինչը ոչ միայն գրավիչ է դիզայնի տեսանկյունից, այլև բացառում է ապրանքանիշի կեղծման հնարավորությունը։

«Սիգարոն» սիգարետների ֆիլտրը երեսպատված է բարակ հիգիենիկ փայլաթիթեղի նեղ շերտով: Սա բացառում է այլ սիգարետներին բնորոշ ֆիլտրի թրջվելը և շրթունքներին կպչելը ծխելիս, ինչը ծխողին լրացուցիչ հարմարավետության զգացում է հաղորդում։